Dr. Jalə Qarayeva nevroloq və EEQ (elektroensefaloqrafiya) mütəxəssisidir. 2007-ci ildə Azərbaycan Tibb Universitetini bitirib, Respublika Kliniki Xəstəxanasında nevrologiya üzrə internatura keçib, sonra Türkiyədə, Ankara Gazi Xəstəxanasının nevrologiya kafedrasında ixtisaslaşıb.
İndiyədək dövlət və özəl klinikalarda çalışıb. Hazırda Hayat Referans Hospital-da qəbul aparır. Əsas istiqamətləri baş ağrıları və miqren, epilepsiya, yuxu və yaddaş pozğunluqları, başgicəllənmə, onurğa ilə bağlı ağrılardır.
Miqrenə yanaşma
Qəbulda əvvəlcə tutmaların xarakteri, tezliyi və qəbul olunan dərmanlar ətraflı soruşulur, nevroloji müayinə aparılır. Müayinə yalnız lazım olduqda təyin edilir. Müalicə planı iki hissədən ibarət olur: tutma zamanı nə etməli və tutmaları necə seyrəltməli. Nəticə gündəlik əsasında, rəqəmlərlə izlənilir.
Dr. Jalə Qarayeva "Sağlam həyat naminə" beynəlxalq elmi-tibbi jurnalında dərc olunmuş "Baş ağrıları" məqaləsinin müəllifi, "Milli Nevrologiya" jurnalında dərc olunmuş insult mövzusunda elmi məqalənin həmmüəllifidir. Beynəlxalq Baş Ağrısı Cəmiyyətinin (International Headache Society) konfransında, Azərbaycan və Türkiyədə nevrologiya üzrə çoxsaylı kurs və konfranslarda iştirak edib. "İlin həkimi" diplomuna layiq görülüb.
Ümumi nevrologiya mövzusunda məqalələr: nevroloq.az.